郭富城前日全黑素服，不理記者採訪拍攝，全程陪在喪父的女友熊黛林身邊，認定女友身份。城城昨日如常工作，並打紅呔笑面迎人，大談電影及愛駒「愛的呼喚」，他指事件不影響自己工作，但拒絕多講女友的事。
熊黛林父親熊仁權早前因肝癌在港病逝，前日低調出殯，郭富城全程體貼陪伴女友身邊，以家人身份在靈堂和熊黛林企第一排，又安慰熊黛林的親友，儼如未來女婿。
提女友封口
仍處亡父之痛的熊黛林，閉關休息。城城昨日就如常工作，在中環宣傳男裝品牌，又將去年生日時品牌代籌的45萬元，捐給UNICEF及城城的慈善基金。身穿灰西裝的城城打上紅呔，全程笑着做訪問，非常敬業，但問到熊黛林，城城即封口：「唔講呀。」好朋友爸爸過世，心情如何？他說：「冇影響我嘅工作，同我嘅工作冇關。」他指打紅呔沒問題，但問到有否特別關心熊黛林，他則再三拒答：「唔講，唔好意思。」
繼續玩機關
不提女友，城城講工作及跑馬則如開籠雀，他表示希望愛駒可參加品牌月底的國際賽：「佢哋有短途賽，希望『愛的呼喚』可以參加國際賽，不過參賽要100分，未必得，而且我隻馬又唔係短途馬。」主演的《寒戰》成為2012年本地華語最賣座電影，他說：「好開心，4,300萬，好滿意呢個成績，會請劇組食飯慶功，續集會年中開拍。」
城城指今年會有三部電影上映，估計也會接兩至三部新片：「3月忙concert先，完咗先開始拍戲，今次係encore篇，暫定開五場。」上次他演唱會因機關眾多，自己及舞蹈員都曾受傷，他指今次會重新編舞，但會繼續挑戰舞台機關。
採訪：梁錦雯
攝影：林德雄
【2012年度勁膠金曲頒獎禮】
可能係今年最公正嘅頒獎禮，保證冇內定冇黑幕，快啲去投選你心目中今年最膠嘅歌曲啦！本月20號將揭曉誰是最膠XD
→ http://campaign.appledaily.com/2012awards
【齊齊投選2012年娛圈風雲人物】
入面粒粒巨星，你想咀佢，定想掟蕉過去？XD
http://bit.ly/ent_2012 （電腦版）
http://bit.ly/ent_m2012 （手機版）