無官一身輕,中國銀監會前主席劉明康2011年底退休後,走去教書,又不時出席論壇月旦財經時事,講吓美國QE、熱錢流入咁,下星期佢就會來港開壇講《巴塞爾資本協定III》。
講《巴塞爾III》
劉明康𠵱家係中大商學院榮譽教授,亦係中大全球經濟及金融研究所BCT銀聯集團傑出研究員,研究所下周四至六(17至19號)舉辦「國際中央銀行家巴塞爾3研討班」,劉明康就會擔任講者。
呢個研究班唔嘢小,粒粒皆星,講者仲包括金管局前總裁任志剛、中大前校長劉遵義、證監會前主席沈聯濤、滙豐亞太區行政總裁王冬勝等。要聽書就要擔凳仔霸頭位了。
李華華