應屆港姐亞軍黃心穎出身中醫世家，父親行醫多年，育有四顆掌上明珠，黃心穎在家中排行第四。眾所周知，孻女一定拉心肝，所以她是家中的小霸王。
撰文：楊潔雯
港姐亞軍黃心穎在家中集萬千寵愛在一身，她憶起小時候跟三位姊姊的趣事，不禁笑起來，她日前受訪時說：「細個爹哋好嚴，如果邊個做錯事，寫字唔靚，就要罰跪地主公，三個家姐成日俾人罰，我就好醒目，好識得𠱁爹哋，所以我好少俾人罰，不過一屋都係女，玩遊戲機時就點都輪唔到我。」
被母逼學中國舞
黃心穎遺傳了父親的性格，一樣有型有格，她說：「我哋都好固執，由細到大，個個當我男仔頭，可能因為我唔玩女仔嘢，鍾意玩車同打機。」如此說來，很可能是因黃媽媽想為黃家繼後香燈，對於這尷尬問題，黃心穎充滿自信地笑說：「我知道我係意外，我諗想要仔嗰個會係嫲嫲，爹哋、媽咪有咗我好開心，因為我帶畀呢個家好多歡樂。」
黃心穎6歲舉家移民加拿大，在開放自由的思想下，她開始變得男仔頭，到了12歲，黃媽媽開始擔心起來，急急傳輸女孩子的正確思想，更逼令女兒學習中國舞，開朗的黃心穎欣然接受，她說：「喺呢個時候，我亦開始變得女仔，後來仲喜歡跳舞，今日更走去選港姐，真係由細到大都未想過。」
【2012年度勁膠金曲頒獎禮】
可能係今年最公正嘅頒獎禮，保證冇內定冇黑幕，快啲去投選你心目中今年最膠嘅歌曲啦！本月20號將揭曉誰是最膠XD
→ http://campaign.appledaily.com/2012awards