現年51歲嘅哥倫比亞名宿華達拉馬喺前晚做頒獎嘉賓，負責頒發普斯卡斯大獎（最佳入球）；咁多年嚟佢個髮型一直冇變，仲係keep住個金毛獅王頭。大會司儀兼荷蘭名宿古列治為咗襯番華達拉馬，嗱嗱臨戴番個假髮，將佢個招牌地拖頭重現觀眾眼前，場面搞笑之餘，仲令上一代嘅球迷勾起唔少美好回憶㖭。