【特稿】
統計處職員遭揭發疑上門調查造假，故意略去劏房戶個案。香港大學社會工作及社會行政學系教授葉兆輝指出，學術界僱用外判商時也面對同樣問題，「有人咁做，我唔係好意外。但係如果全香港嘅調查都係咁，就好得人驚。」問題可透過問卷設計及覆查數據補救，統計處也應戒掉成本效益為先的文化，給予員工充裕時間搜集數據。
今次統計處職員涉嫌在「綜合住戶統計調查」造假的原因之一，是工作指標訂明即使一個單位有多間劏房戶，也當作一個住戶計算，因此訛稱無人應門以便節省時間。葉兆輝表示，即使一個單位存在四個劏房戶，應當作四個住戶計算，建議統計處設計問卷時新增「劏房」類別。
葉兆輝的上門問卷調查項目都外判給調查公司，即使外判商會核實樣本資料，他也會派下屬抽取5至10%樣本覆查，不時發現調查員造假，「有啲直情冇問到人，自己填問卷；或者幾份問卷差唔多一模一樣。統計處面對嘅問題，喺大學都可能有。」
葉兆輝促政府藉今次事件查清問題根源，也不應以成本效益主導，「以前我啲學生做統計處，發現除咗個別人懶、唔夠專業，都係因為制度問題。唔好俾職員時間壓力，最緊要係拎到有質素嘅數據。」
《蘋果》記者