導演「肥膩」因為做電視台嗰陣開節目，鍾意起用一班選美或者訓練班出身嘅姐姐仔，所以無論佢拍電影定出席電影活動，甚至乎自己嘅生日派對，都有好多姐姐仔陪佢一齊，雖然佢其貌不揚，但總係有左擁右抱、好有艷福嘅感覺，令唔少男士妒忌。
不過肥膩一早揚晒自己有個正印友友「阿喂」，外邊人好奇怪，咁多姐姐仔簇擁住肥膩，佢點會揀阿喂呢？當然，肥膩本身唔係條件特別好，你估真係好多姐姐仔畀你揀咩，但冇得揀之中佢都算好識揀，聽聞阿喂係三色台舊老細阿叔阿嬸嘅重臣「喜哥」個契女，女友樣唔太差又有好背景，肥膩真係醒目呀吓！
撰文：關仁
【2012年度勁膠金曲頒獎禮】
可能係今年最公正嘅頒獎禮，保證冇內定冇黑幕，快啲去投選你心目中今年最膠嘅歌曲啦！本月20號將揭曉誰是最膠XD
→ http://campaign.appledaily.com/2012awards