大會喺公佈世界金球獎得主之前，播出3個候選人美斯、基斯坦奴朗拿度（C朗）同埋恩尼斯達，細路時嘅片，場面亦幾感人。十幾年前着住國民隊同士砵亭波衫比賽嘅C朗，儍吓儍吓，相當可愛；而佢見番自己細路時個樣，都忍唔住笑咗出嚟。至於C朗雖然贏唔到世界金球獎，不過陪佢一齊出席嘅伊琳娜就索到爆，令佢好有面。話時話，好彩C朗帶埋伊琳娜嚟，家陣輸咗，起碼都有女友安慰下啦。