（樂）上個禮拜同文仙尼喺訓練場爭啲大打出手嘅巴洛迪利，唔知係咪被罰，要「降呢」踢曼城U21嘅比賽。話說呢場對布力般U21嘅比賽，曼城最終贏4:0，巴神就入兩粒，相中見佢似乎踢U21仲開心過喺一隊，成日笑口噬噬咁，同喺一隊時入完波仲要嬲爆爆咁完全兩個樣。如果係咁，文帥係咪要檢討下，點解個契仔喺佢隊波度反而咁唔開心呢？