無綫劇集嘅橋段唔單止好多時千篇一律，而且來來去去都係同一班演員，搞到觀眾相當混亂，睇到唔知邊套打邊套。
冇晒人冇晒橋
近期播緊嘅《幸福摩天輪》同《法網狙擊》，鄧梓峰、鄭子誠、呂珊同韓馬利都喺兩套劇出現，最離譜係韓馬利兩套劇都係認番個親生仔，噚晚韓馬利喺《法網》認番森美，到聽晚佢就喺《幸》劇同陳智燊相認，同一個演員一星期認兩次仔，唔通無綫真係冇晒人冇晒橋？
噚日馮仁昭打電話畀韓馬利，佢哈哈大笑話：「咁啱啫，羅樂林一日死五次都係咁啦。」講到啲橋嚟嚟去去都係咁，韓馬利話：「都分別唔大嘅。其實兩套劇唔同時間拍，不過咁啱擺埋一齊播。呢個唔到我控制，我哋好被動。但我記得幾十年前佢哋排劇，係唔會同一個演員喺同一個時間（重複）出現，怕混淆。」問點解唔同公司提出兩部劇撞橋？佢話：「唔會啦，好似challenge佢哋咁，同埋演員唔想失咗每一個機會。若果兩個角色差唔多，演員惟有豐富自己個角色，希望做法唔一樣。唔通cast到你，你唔做咩！」
撰文：馮仁昭
【2012年度勁膠金曲頒獎禮】
可能係今年最公正嘅頒獎禮，保證冇內定冇黑幕，快啲去投選你心目中今年最膠嘅歌曲啦！本月20號將揭曉誰是最膠XD
→ http://campaign.appledaily.com/2012awards
【齊齊投選2012年娛圈風雲人物】
入面粒粒巨星，你想咀佢，定想掟蕉過去？XD
http://bit.ly/ent_2012 （電腦版）
http://bit.ly/ent_m2012 （手機版）