今年美國籃球名人堂嘅候選人名單出爐，相信最眾望所歸係有「手套」之稱嘅披頓，打過超音速、湖人等球隊，最終喺熱火攞到總冠軍，職業生涯亦累積9次明星賽。另外其他入選者，好似南斯拉夫中鋒迪華斯，幫湖人建功立業外，亦攞過兩屆奧運銀牌，而前熱火「插花王」添夏達威亦入選；正式名單就會喺明星賽期間公佈。