龍B熱潮未冷，社交界即掀起生蛇B接棒，小小超李澤楷舊愛羅愛欣（Rachel）前晚陀住7個月B女，腳踏高踭鞋睇騷。Rachel表示已為B女改名叫Aurelie，寓意黃金女兒。恒生新抱何倍倩陀孖B出席，而諸葛紫岐再度暗示心廣體胖，奶奶催她生B，又表示「生蛇B幾好」，夠勁跟她夾，但未有明言是否懷孕。
小小超李澤楷舊愛羅愛欣（Rachel）、諸葛紫岐、榮雪梅及陀孖B的恒生新抱何倍倩等前晚現身洲際酒店，出席香港皮草設計比賽活動。Rachel已有七個月身孕，預產期為四月，但她仍腳踏高踭鞋前來睇騷，她笑言：「平時都係着平底鞋。」Rachel表示已肥了廿多磅：「𠵱家都冇勇氣上磅，計劃生完B都會繼續工作。」Rachel透露已為腹中B女改法文名Aurelie：「自己喺Fashion TV入面睇到呢個名，寓意黃金女孩，好特別，產後都會餵母乳。」問到打算生幾多個？她說：「老公想要兩、三個，我都OK。」
諸葛紫岐透露旅遊美國、中國及新加坡多月回來，問她是否放假造人？她笑言：「唔係，畀自己放假，我都有着高踭鞋，有一定會話畀大家聽，生蛇B幾好，唔錯，水蛇年好勁，同埋夾我。」問到奶奶可知「喜訊」？諸葛紫岐的答案卻惹人揣測已有喜：「冇，未公佈，奶奶一齊去旅行見到朋友有人陀緊B，都有催我，我都想快啲有，𠵱家都肥咗少少，瞓好多。」
榮雪梅終認離婚
此外，屢傳與外籍夫婿Stefano婚變的榮雪梅是夜帶同兒子及母親前來，她終承認已離婚：「冇唔開心，仲係好朋友，唔係仇人，仲有見面，我先生係我最愛，係best friend，關係好好，好過以前相處，大家十幾年，有個仔，唔恨對方總有愛，贍養費冇，一毫子都唔要，佢係君子，亦冇要我分一半畀佢，冇錢銀問題。」
採訪：顏英儀
攝影：黃偉雄
【2012年度勁膠金曲頒獎禮】
可能係今年最公正嘅頒獎禮，保證冇內定冇黑幕，快啲去投選你心目中今年最膠嘅歌曲啦！本月20號將揭曉誰是最膠XD
→ http://campaign.appledaily.com/2012awards