（怒）自從兩年前喺安哥拉參加非國盃期間，發生咗爭啲喪命嘅槍擊事件後，艾迪巴約講到明話唔會再代表多哥踢非國盃；但呢位喜怒無常嘅仁兄最近突然轉軚，飛咗去加納同國家隊會合，為國效力；但呢個決定就真係玩死熱刺領隊波亞斯，如果多哥一路殺入決賽，艾迪巴約應該至少有4場聯賽踢唔到，球隊就得迪科爾一個衝鋒陷陣，睇嚟冬季都會再出手買前鋒。