亞視近日強制要合約藝人上洗腦班，缺課便有機被炒，上月冬至先炒戚黛黛、張啟樂、陳綺雯和張紫櫻（車車），上周五又炒了蒲進，大部份藝人昨日都準時上課。至於請假中的亞姐馮雪冰和甄詠珊則風騷在微博貼上到餐廳悠閒食飯相晒命。一直曠課兼狂轟被亞視無故雪藏的星光幫成員李志豪昨日依然冇影。
亞視嚴格執行合約藝人必上洗腦班，有見戚黛黛、張啟樂、陳綺雯、張紫櫻和蒲進先後遭解僱，餘下藝人想保飯碗只得乖乖就範。雖然亞視高級副總裁葉家寶發出最後通牒，指讓星光幫的李志豪考慮至昨日，但昨早課堂他仍未見蹤影。
棄將有工開
需要上堂的藝人要準時返學，但請假中的甄詠珊和馮雪冰則在微博晒嘆世界照片，馮雪冰日前貼上在水族館背景餐廳中悠閒食飯相，而甄詠珊昨日則貼上在四季酒店嘆法國菜。首批被炒的陳綺雯日前已投入新工作，她獲網上遊戲商邀拍廣告，變身學生妹在街上狂奔，她還把拍攝花絮照片貼上微博，似要向亞視示威。
而林紫君及馮家俊等亞視藝人，昨早則乖乖準時10點前返學，他們大部份怕遲到都搭的士趕來，林紫君試過遲到一次半，昨日提早10分鐘現身，問到是否怕被炒？她說：「其實每堂遲到只計半次，每人有六次機會。」
未炒李志豪
亞視雖指會安排星級導師授課，但昨日卻由高級副總裁鄺凱迎上堂，林紫君與馮家俊落堂即搭的士出外午膳。問到鄺凱迎堂上教甚麼？馮家俊說：「都係發牌啲嘢，同埋講番啱啱百萬行活動，公司同TVB嘅人握手，佢話競爭對手都可聯盟。」對於李志豪一再曠課，葉家寶昨日說：「今日會再同佢聯繫，佢話要再考慮一啲合作方法。」葉家寶強調昨日亞視沒炒人，而李志豪昨晚答應截稿前回電，最終卻潛水。
採訪：溫敏芝、比華利
攝影：仇志德
【齊齊投選2012年娛圈風雲人物】
入面粒粒巨星，你想咀佢，定想掟蕉過去？XD
http://bit.ly/ent_2012 （電腦版）
http://bit.ly/ent_m2012 （手機版）