有焦慮症嘅火箭新秀韋特，今季因為自己嘅病情而同球會鬧交，火箭仲將佢擺入雪櫃唔畀佢上陣。之後球會想將佢下放去發展聯盟，畀佢打吓波；點知韋特唔領情，仲話球會高層冇精神病相關嘅知識，就唔好作任何決定。搞咗咁耐火箭好似終於忍到夠，周日就決定既然佢連發展聯盟都唔肯去，畀人工佢都係多餘，所以就宣佈將佢無限期停賽，呢段時間仲唔會出人工畀佢。