英格蘭聯賽盃4強首回合於周二開打，由乙組的巴拉福特越級挑戰超聯的阿士東維拉。由於維拉近況麻麻，今役更要作客，就算質勝一籌，亦料難以大勝，不妨敲維拉小勝一球開「和局」。
巴拉福特難再出冷
英乙球隊巴拉福特無疑近況不俗，近8場不敗之餘，在英聯盃上圈更爆冷淘汰超聯球隊阿仙奴而晉級，今迎另一超聯球隊維拉，定要藉主場之利，在首回合取得領先優勢。
但問題是巴拉福特在人腳及實力上，都與維拉都有一大截距離，加上上圈淘汰阿仙奴後，對手更加不會掉以輕心，今役巴拉福特又料續缺翼鋒加利湯臣及後衞美爾迪，就算前鋒羅斯漢拿及後衞麥曉治有望復出候命，亦不宜高估。
維拉目前在超聯下游，目標當然是保住英超席位，不過，球隊在英足盃主場以2:1反勝葉士域治，終止連續4場不勝走勢後，士氣一振；而且前鋒戴倫賓特、艾邦拉荷及中場尼索比亞亦已分別康復有份在上仗落場，相信維拉可以憑質素小勝。
賽制：英聯盃4強採取主客兩回合制，賽事不設作客入球優惠，若兩場合計入球數目相同，則加時再決勝負。不過，若雙方在加時取得入球，而又打成平手的話，客隊可以藉作客優惠晉級決賽。若加時沒有入球，則以互射12碼決勝負。文：吾中