【本報資料】明晚谷草A欄，天文台預測多雲及有幾陣雨，但相信對場地影響不大，估計掛牌為好地。距上次谷戰已接近兩星期，究竟場地利放定利追呢？
跑法：11月7日谷草A欄亦係相距之前一次谷戰達兩星期，當晚八場整體上仍以內檔前置馬表現較佳，既有「錢照贏」一放到底贏馬，另外「勝利大將」、「龍船快」及「銘記心頭」守前領馬之後的貼欄包廂位下建功，外檔後追馬要像「四季星」及「非常精」般夠快切入找到遮擋，才能克服劣勢。
馬匹：尾場「蓋世子牙」上仗於谷草A欄贏馬後，刻意等番同一移欄賽事再上陣，擺明想憑地利爭取連捷，有運抽埋三檔好位，可食尾糊。第五場「勝利大將」三次角逐谷草A欄獲兩冠一亞，排四檔有力替連贏兩日之蘇保羅再添進賬。