運動場上情情塔塔嘅事屢見不鮮，但發生係宇宙最快嘅保特身上，卻零舍搞嘢；英國《太陽報》近日爆出保特喺倫奧連奪3金兼破世績，全靠上年6月新相識嘅英籍緋聞女友艾華絲個「籮」。原來艾華絲喺8月5號保特跑100米決賽前，傳咗自己一張「巨籮」相畀保特，仲寫住：「記得衝終點時想住我個籮喎！」全球矚目一仗，保特事後仲記得畀credit艾華絲話：「我真係諗住你個籮衝終點㗎。」女方唔冧就奇！跑4x100米接力賽前，保特又再出招，哀求艾華絲再傳籮照，話要動力去創世績，女方再次傳相，男方真係破世界紀錄，以為戀情升溫，但女方上個月又話難頂同保特兩地戀，真真假假，只有佢哋知囉。