公益金百萬行籌款好多人支持，今年嘅「港島、九龍區百萬行」噚日喺大球場出發，159支隊伍、萬二位市民用三個鐘行去香港仔郊野公園遊客中心。一如過往，公益金請特首主持開步禮。狼振英噚日一早就同狼太去到大球場，但有別過往嘅係，狼振英主持完開步儀式隨即鬆人，唔似得過往嘅老董同煲呔咁，點都行一段路先走吖。
特首辦冇講原因
有知情人士報料，話當初知道狼英主持完開步禮即閃，都覺得好意外，但特首辦冇講明原因，主辦單位亦不便過問啦。當然，最合理嘅推斷，梗係狼英唔想行行吓又遇上示威咁辳啦。
嗱，佢喺場內就深得要求政府唔好發新牌嘅亞視同無綫中人歡迎，場外世界肯定差天共地。