今年木狼都真係幾慘，盧比奧復出不過又好吓傷吓，仲未可以去返上季處子登場嘅超好水準；上周六球隊又發現「狼王」路夫，早前對金塊右手再度骨折，又要缺陣一排。球會話佢今個星期會去紐約睇專科，再定出要唞幾耐。教練艾杜文喺上周六球隊以97:102不敵拓荒者之後，都話冇路夫好大鑊，不過就話以現時呢個陣容，仍然有方法可以打入季後賽。