90年代出道的二人女子組合Face To Face，出道三年就因成員吳少芳遇交通意外癱瘓而被迫拆夥，即使傷癒後吳少芳都未能衝破心理障礙重踏舞台，直到08年為鼓勵癱瘓人士才再唱歌，前晚兩人便公開表演，為《慈善星輝仁濟夜》出力。
九十年代二人女子組合Face To Face、林峯和薛凱琪（Fiona）等前晚到九展錄影《慈善星輝仁濟夜》，Face To Face當年出道已受關注，與同期的Echo平分秋色，代表作有《一些》和《情迷Milano》等，不過92年成員吳少芳遇交通意外而癱瘓，兩人被迫拆夥，前晚兩人獲邀請做嘉賓，坐輪椅出場的吳少芳和拍檔蔡慧玲以白色薄紗裙出場，兩人獻唱時獲台下掌聲。
薛凱琪罕有谷胸
事後吳少芳說：「之前傷癒後唔敢再唱歌，十年前拍檔有問想唔想再唱，亦有人搵我哋開演唱會，但我唔敢上台，直到08年我鼓起勇氣再上台唱歌，先敢再返嚟，不過我哋之前嘅表演主要係做善事，同埋鼓勵其他人先會做。」
同場的Fiona谷微波示人，她自言開心簽新公司後可重簽無綫，加上有總理捐百多萬，故以隆重打扮登場。有指《勁歌》總選取消一人一票公投，矛頭直指關林峯事，林峯大反應說：「又關我事？真係唔使努力咩？不嬲一人一票都係多人關注，我冇聽過會取消，我真係好慘。」有傳他用獎換約，林峯說：「冇聽過，自己仲有年幾約，份約喺邊都唔知，每次差唔多約滿就會有人搵我傾。」提到舊愛潘霜霜與新歡晒恩愛，林峯封口說：「唔講呢啲，總之冇佢微博，自己都冇微博。」
採訪：楊潔雯
攝影：陳俊強
【齊齊投選2012年娛圈風雲人物】
入面粒粒巨星，你想咀佢，定想掟蕉過去？XD
http://bit.ly/ent_2012 （電腦版）
http://bit.ly/ent_m2012 （手機版）