深圳第一次舉辦職業計分賽，外界反應都唔錯，中央場4,000個座位噚日有9成入座率，不過好多觀眾唔識睇波規矩，比賽期間喺觀眾席上行來行去，又唔熄手機甚至講電話，影響比賽。外籍女裁判（圖）除咗用英文提醒，仲用字正腔圓嘅普通話講「請坐下」同「關手機」。不少人見老外識講流利普通話，都拍爛手掌。