【拆局】
被視為頭號「梁粉」的全國政協劉夢熊，昨指梁振英未搞好施政，只懂動員「梁粉」搞輿論批鬥，公開與梁劃清界線。有政界人士分析，梁的誠信、民望早已破產，一眾「梁粉」只可吹捧梁「做到嘢」去挺梁，問題是不少「梁粉」也私下抱怨，梁能力原來非想像般高，不排除陸續有「梁粉」跳船。
梁表現不對辦
有曾支持梁振英的專業界人士指出，當日挺梁全因「唐英年做唔到嘢，反而梁振英由備選開始一直好努力，令我哋（專業界）覺得佢有能力」。
但隨着梁執政近半年，不少挺梁的專業界人士均覺得，梁振英很多時只是「講咗當做咗」，「好似打擊水貨客，佢（梁振英）落去睇過、講咗嘢就當做咗，𠵱家班水貨客又嚟過，佢就當做咗嘢唔理！」
另一「梁粉」稱，現時除了核心「梁粉」外，其他早前挺梁的人也轉趨低調，「佢（梁振英）誠信係一個問題，做唔到嘢係另一個問題，表現唔對辦係事實！」他相信若梁在施政報告中交不出一些具體有效措施，恐怕情況會加劇，「我估到時（「梁粉」）跳船會越嚟越多，只差係高調定低調走人。」
《蘋果》記者