非聯賽球隊哈士汀斯聯啱啱喺上周六嘅英足盃挑戰米杜士堡，喺賽前，呢班業餘球員齊齊扮成戰士，振奮士氣！球員兼領隊桑雷爾話，佢哋雖然實力差好遠，但鬥志十足，全部球員都係名副其實嘅戰士！咪住，佢哋門將福特岩士唐唔係扮戰士喎，竟然全身赤裸，剩係戴住條圍裙扮管家，非常重口味！睇嚟佢不如着番套鎧甲，同班兄弟做番戰士算啦！