免費電視發牌仍處於膠着狀態，艾威雖每月準時出糧，但他對政府的遲緩處事態度相當不滿：「未去過一個地方係得一個電視台，另一個就名存實亡，仲話國際都市。其實發牌同電視革命係在所難免，希望政府能夠好和諧咁處理，唔係話要淘汰任何一間，政府係有責任推進電視工業，係唔應該搞到喺吵鬧聲中發牌，本來更多電視台係一件歡樂嘅事。」
未發牌先跳河，有機會搭沉船，艾威說：「冇擔心過，戲照拍，我可以話所有同事士氣都非常旺盛，上下一心。」難怪艾威身先士卒為香港電視派傳單，爭士氣，他繼續賣花讚花香說：「真係不惜工本製作，好多劇集都係實景拍攝，之前拍《形醫》喺成豐片廠用70萬搭咗個醫務所，水喉係真，電腦可以上網，iPhone係可以叉電，仲有好多外景拍攝，我拍嗰套《客家女人》就專程到福建梅州一個落後嘅村莊入面拍攝，令到演員同幕後工作人員都好投入，係一啲好有誠意同質素嘅製作。」