積金局計劃今年致函超過100萬名打工仔，促請佢哋整合MPF戶口，希望每人最多只擁有兩個賬戶，從而減低整體行政費用，仲話如果自願措施未見效，會考慮以強制措施，逼打工仔整合戶口咁話。
毛丘一向贊成大家整合MPF戶口，最重要是來方便管理，自己亦於多年前將保留賬戶帶入現有強積金戶口，方便作出投資調配，好過戶口東一個、西一個，好易變遺忘嘅幽靈戶口。
但香港係自由社會，無必要吓吓「小學雞」玩強制，其實香港人好現實，只要略施威逼利誘，就會自動做嘢，如實施垃圾處理費，大家必然自動自覺減少製造垃圾。假設兩個戶口以上嘅人額外扣行政費，免搞貴整體行政費貴晒累街坊，相信大部份打工仔都會舉腳贊成。
魯毛丘