【特稿】
新盤曉薈形同劏房的蚊型單位售價逾400萬元，價錢高得令人吃驚。住在真正劏房的蓮姐，租住大角嘴僅50呎板間房月租1,400元，呎租達28元。她說租金連水電費佔逾半綜援金，「仲要樣樣都加價，惟有食平啲，租金我又控制唔到，公屋又上唔到！」
坐在僅50呎的房間內，60歲的蓮姐慨嘆：「坐多兩個人都逼，轉身都轉唔到，呎租貴過豪宅，都唔敢請朋友上嚟坐吓，平日咪留喺屋企對住四幅牆同個電視囉！」她說：「幾百萬都係買間劏房咁嘅樓，我哋基層人士根本呢世都買唔起，真係好諷刺。」
呎租貴過豪宅
關注綜援低收入聯盟組織幹事李大成稱，近半年大角嘴、深水埗區的板間房和劏房租金升幅高達20%，劏房呎租介乎30至40元，部份板間房呎租達60元，超越同區豪宅如亮賢居等，「一間30幾呎板間房，要1800蚊先租到」。他指業主認為新政府房策「冇料到」，繼續瘋狂加租，「梁振英上場後睇死佢做唔到嘢，業主㩒住嚟搶！」
《蘋果》記者