【《蘋果》踢爆】
【本報訊】警方西九龍衝鋒隊一名現役警員,涉嫌知法犯法,從泰國偷運俗稱「碌葛」的完整嬰屍陰牌,然後公然在網上兜售以及再偷運去內地。《蘋果》記者放蛇調查,發現警員不但向買家推銷碌葛法力高強,更教唆客人如何避開X光機檢驗,偷運碌葛入境,甚至被搜出時應如何脫身。
記者:林子游 陳兆剛 司徒韋桐 馮詩媚
偷運嬰屍陰牌入境的警員姓馬,30多歲,西九龍警區衝鋒隊員。他亦是網上一個泰國佛牌討論區的版主,以Barry網名「秘撈」,販賣由屍骨、屍油甚至體毛製成的陰牌,供人養鬼仔。此外,他在facebook貼上多張穿上警察制服的相片,有網友不值他所為,向《蘋果》報料。
記者發現Barry客源遍及中港台澳,連內地女模亦向他購買陰牌養鬼仔,他更曾以「我個囡囡」為題,貼出嬰屍相片,又聲稱隨身攜帶。由於販運屍體入境屬違法,Barry身為警員更是知法犯法。
記者喬裝買家兩次約他外出睇貨。身材高䠷、胸前掛着泰國佛牌的他,自我介紹說:「我供奉泰國佛牌七年,養鬼仔都五年;個人比較推崇養鬼仔,因為事業同異性緣效果最快,希望你接受。」
內地中間人代為搵客
他拿出十多塊陰牌逐一介紹,效用不外乎催谷偏財、迷惑異性與自己性交等,動機邪惡。記者聲稱願多花點錢,供奉法力最強的陰牌,Barry即說:「係咁碌葛幫到你。」
他神秘地從衫袋掏出一物,掩合着雙手送到記者眼前,赫然就是他曾貼上網的「囡囡」,是具完整嬰屍,以及另一具較細小嬰屍。兩屍均以透明硬膠密封,並繫着一串鎖匙。Barry說道:「大嗰隻係女仔,細嗰隻係男仔;朋友都笑我攞佢哋做鎖匙扣,袋住幾十萬元行街!」他指兩具碌葛均從泰國供奉來港,卻拒絕透露偷運嬰屍入境方法。
記者數日後再約Barry見面,表明想買昂貴的碌葛。這次他戒心大減,直接為「囝囝」標價13萬8千元,並說:「呢排泰國捉得好緊,當地師傅開價畀我都10萬元。呢具碌葛我已打折,大陸賣到15萬!」他所言非虛,秘撈買賣陰牌五年來財源滾滾,內地更有中間人幫他搵客,收入比做警員要高。
包鐵片避X光機檢驗
見記者對擁有和入境嬰屍仍頗擔心,他終爆出偷運碌葛入境的秘訣,「首先用報紙包住嬰屍,外層再包鐵片,塞入神像密封。鐵片過X光會遮住嬰屍,當然亦可以話鬼揞眼啦,總之我做咗十幾次未衰過!」他更教記者如被海關、警方截查及搜出嬰屍該如何脫身,「首先同差人講係宗教嘢,一般嚟講,警察應該會心照放行;若對方揸正嚟做,你可以話呢具係猴子標本,由於驗證需時,對方多數怕麻煩唔搞」。
身為警務人員的他,為圖利不惜知法犯法,甚至教唆他人犯法。記者日前表露身份向他查詢,當時他正在執勤拉犯,見到記者後即臉色大變,拒絕回應,在同袍掩護下登車離開。
陰牌形相五花八門
古曼童:具多種形相,最具威力為碌葛;有法師會把骨灰藏兒童神像供奉。
賓靈:由屍體前額骨製成,加上骸骨、屍膏等,據稱極有助異性緣。
坤平:以女性屍肉、屍骨及符咒製成,據稱配戴性交可增加異性緣。
太過邪門
唔敢供奉
歐陽小姐(文員):「相信有人養鬼仔,但太邪門,自己唔敢請來供奉。」
拜正經神佛
Michael(汽車銷售員):「我唔相信養鬼仔,要拜就會拜啲正經嘅神佛。」