早前，雲達華治同老婆施維雅宣佈離婚，據報係雲達華治出手打老婆。不過，雲達華治睇嚟好後悔，𠵱家仲着住繡上施維雅個名嘅波鞋操練，每日睹物思人。雖然夫妻情分已盡，但佢話唔會掉呢對鞋，因為對鞋係代表佢哋曾經擁有過嘅快樂時光。見到雲達華治咁抑鬱，漢堡教練芬克都好識做，話會安排間獨立單人房俾佢住，等佢可以一個人靜吓。