西甲歇冬後重燃戰火，高踞榜首的巴塞隆拿會在魯營主場出擊，與同市球會愛斯賓奴上演打吡戰。巴塞今場幾可「夫添」出戰，近況及往績都勝於愛斯賓奴，相信可以贏波，但巴塞今季「讓球主客和」[-2]甚少贏盤，故不妨敲「和局」。（球賽編號：星期日23；now632台明日2:00am直播）
巴塞今季氣勢如虹，歇冬前17場聯賽取得16勝1和，以49分穩坐榜首，拋離次席9分。經過歇冬的調整期，巴塞大部份傷兵已經痊癒，中場法比加斯有望復出，只有艾錫古恩卡及蒙尼沙兩員小將肯定缺陣；最緊要的是，教練維蘭路華在上月接受腮腺癌手術後已經康復，今場有機會復出督師，相信能振奮軍心。
巴塞固然強勢，愛斯賓奴亦有起色。自從艾古爾接手球會後，成績有立竿見影的改善，近4場保持不敗，得1勝3和，除了作客踢和皇家馬德里，歇冬前更擊敗拉科魯尼亞，取得球隊近8仗的首場勝利。雖然今場面對實力超班且上下一心的巴塞，但愛斯賓奴定不會潰敗。
[-2]盤路麻麻
往績上，巴塞近9次主場鬥愛斯賓奴錄得6勝2和1負，其中最近3次全勝。由於是打吡戰，愛斯賓奴每場都會加把勁，所以並非次次都被大炒；巴塞過往6次主場贏愛斯賓奴，有4次贏1至2球。
今場「讓球主客和」開出巴塞[-2]，但他們今季盤路表現麻麻，各項比賽8次[-2]，但只得兩次贏盤，兩次輸盤，而「和局」高達4次。今場「和局」的賠率有4.55倍，值得一博。文：咖喱