前世界足球先生「大哨」朗拿度，之前向傳媒大事宣佈減肥成功，鬼咁開心；不過，呢名前巴西球星喺上個月，又向媒體自爆同結咗婚7年嘅妻子安東妮玩完，呢次已經係佢第三度離婚。正當大家以為朗拿度又變番單身，轉眼間大哨經已火速另覓新歡喇！據巴西報章透露，呢位靚女係一名夜總會DJ，佢哋兩人之前仲一齊去烏拉圭過新年㖭，睇嚟大哨都係無歡不樂。