幾個《古惑仔》主角影海報，羅仲謙、黃貫中、梁烈唯、何浩文，惟獨林子善冇晒肌肉冇紋身，鬥樣鬥身材，他輸足幾條街，30歲人演20歲的古惑仔「包皮」，子善怎突圍？他說：「包皮呢個角色之前林曉峰做過，我會去諗點樣加入新元素，包皮好怕事，但我做到佢怕事得嚟，有事就第一個衝出去，畀觀眾有唔同感覺，其餘幾個人咁大隻，我根本冇得比。」對於當年《古惑仔》的成功，帶挈演員拍了一系列電影，子善也有個希望：「演員想做唔同角色，發揮得更好，最主要係可以搵多啲錢。」
舊版由謝天華演大天二，今次換了何浩文飾演，他為擺脫天華影子，實行角色大改造，他說：「之前個大天二唔多出聲，今次我加少少邪氣，又有啲正義感，天華咬牙籤，我就戒煙，古惑仔戒煙喎！」