NBA公佈2013年明星賽第3輪投票結果，湖人後衞拜恩累積約117萬票，仍然以約2萬票力壓熱火嘅勒邦占士做票王，佢就自嘲話可能球迷想睇老嘢。東西岸正選名單都冇變，東岸為朗度、獲迪、勒邦占士、安東尼同加尼特，西岸就係基斯保羅、拜恩、杜蘭特、比歷克格芬同懷特侯活，最後一輪投票將於1月14日公佈，球迷想支持偶像，就要把握埋呢幾日嘞！