雷霆周三對網隊場波，一開始就大比數落後，仲一度試過落後23分咁多！不過，雷霆話晒都係西岸「1哥」，又點可以就咁就投降？主隊孖寶杜蘭特同韋斯卜克兩個人，合共為球隊搶咗53分，第3節仲追和過㖭。但係杜蘭特喺第4節仲有兩分鐘嗰陣，因為一次犯規同球證拗數，職業生涯第一次俾人罰咗出場，而球隊亦以93:110爆冷慘敗。