隔牆有耳:<br>港誕首位遠洋女船長 - 李八方

隔牆有耳:
港誕首位遠洋女船長 - 李八方

都話女人犀利㗎啦,女高級船員陳嘉敏最近考獲遠洋輪船長資格,成為香港首位女船長。行船九年嘅佢話,行船經歷苦樂參半:樂係可以去到天涯海角,苦嘅就係驚濤駭浪下,乜都可以發生,例如曾經見過船員被船頭巨浪打死,亦試過辛苦擺脫海盜追截。最初都有喊過,仲一度想放棄飄洋過海生涯㖭。

海事專才推廣聯盟召集人羅冠斌話呀,過去冇女生行船㗎,近年男女船員比例係男生約佔95%,女生約佔5%。海事訓練學院楊沛強就話喎,10.1國慶撞船事件後,該校仲因應事件推出一日重溫課程,提醒航運業人員有關航海條例、海上意外實例同船上救生安全等。