【展望將來】
在香港旅遊旺區，珠寶店早已多過便利店，周大福更是「梗有一間係左近」。黃紹基表示，縱然香港市況回穩，集團在旅客區的佈點已經完成，未來數年都不會在港大肆開舖，甚至會進行整固，每年淨減少一、兩間店。
面對內地豪客減少，周大福早前已調整貨底，降低產品平均價：「𠵱家入嚟買10萬蚊嘢，我哋都當上賓㗎喇！以前多內地客買50萬至100萬珠寶，去年真係少咗好多。」
黃紹基認為，「之前股市跌，冇心情自然唔想消費。買珠寶係講究文化，豪客可能會飛去歐洲買手袋手錶，但珠寶唔會，款式、保養都係香港先同聲同氣。所以我唔覺得有乜結構問題，只係大家信心有問題啫。」
租金高企 仍捱得住
據周大福中期報告，單計港澳業務，租金開支勁升49%，佔營業額比重由去年度的2.4%增至3.3%，反映急速擴張對成本已構成壓力。黃紹基表示：「香港租金雖然有一定升幅，不過我哋每開一間舖都計過條數，以目前嘅生意水平，係仲可以維持到。」