小友的老闆做生意的確非常吃得開，長袖善舞八面玲瓏，客戶對他都言聽計從。不過講到管理，可就不是同一回事，五時花六時變，朝令夕改看心情做決定，這一刻OK下一刻拉倒，令下屬疲於奔命，經常被陷入進退兩難、收到指令做又死唔做又死的困境。為此小友曾經向我吐過很多苦水，他是老闆的得力助手深知老闆脾性，所以看得更加透徹，越做越提心吊膽，越見得多就越心淡。最近為配合業務發展，老闆特意多請了一位高層，自始發覺老闆對他的態度有變，不像以往般器重事事徵求他的意見，還神神秘秘扮冇事無私顯見私，和那位新人偷偷出埠見客。
實在心淡兼冇癮之下，他說絕不是一時衝動是經過深思熟慮，決定走為上着。我雖然不認同，亦不覺得有必要，不過東家唔打打西家冇乜問題。之但係因為條氣唔順不甘心自動請辭，一於放軟手腳激老闆博炒，就嚇得我馬上大聲叫唔好！拿自己的前途聲譽來「較飛」，連「自己」都輸埋，難道想永不超生？確實愚不可及！
講到底小友根本就是看不開，死蠢！虧他還是老闆的左右手，跟官咁耐還不知官姓乜？以他老闆為人，和這個新人的「蜜月期」，究竟可以「甜蜜」得幾長久？這種場面他見過的還會少？他老闆的慣常伎倆他還不清楚？只不過今次這個是旗鼓相當的對手，小友是當局者迷而矣！
若然真正心已淡，就更應出盡法寶做到最好，自己的地位怎可能輕易被其他人取代？要走就要走得轟轟烈烈，搵份好工風風火火頭也不回轉工去，如同活生生斷了老闆一臂，要他知痛恨錯難返，心都涼埋！幹嘛做衰自己個朵，留下污名任人魚肉俾人炒咁折墮？
張慧敏
http://www.facebook.com/HKcareerdoctor