【定出底線】
商界不排除以上街對抗標準工時立法，勞工界亦嚴陣以待，提防梁振英拖延立法。力挺梁振英的工聯會一直要求他在兩年內交出標準工時立法時間表，若變卦，工聯會或會與他「反枱」。
港府早前公佈有關標準工時政策研究結果，但沒有表明立場。工聯會黃國健批評當局似對標準工時採取「完全唔關我事」的態度，怒轟：「政府應該有個立場，唔係好似局外人咁，你哋勞資自己傾掂啦」，強調「佢應該研究立法嘅技術問題、需要注意嘅嘢、做前期工作，呢個先係政府應有嘅態度」。
起碼每年有進度報告
黃國健更斥責港府「擺明係拖」，稱理解標準工時立法有一定爭議，需要時間凝聚社會共識，但警告當局不要因為工商界壓力而退縮，「起碼每年要有個進度報告，有冇進展、幾時可以開始立法」，強調工聯會底線是當局須於兩年內交出立法時間表，否則「肯定會鬧爆佢」，包括上街遊行抗爭。據了解，工聯會私下也力逼政府在施政報告交功課，有工聯會中人指：「唔係話立法，都話要研究啩，唔係我哋點向支持者交代？」
工黨張國柱也憂慮港府「嘆慢板」。他指出，港府遲遲未成立專責委員會跟進立法工作，已有拖延之嫌，重申「上屆政府做最低工資都做得到，我相信標準工時唔會困難過最低工資」。張國柱更提醒梁振英，現時已有不少市民就其誠信問題要求他下台，若然梁振英未能兌現選舉承諾，就標準工時提出立法時間表，其最大支持群組、即基層市民肯定不滿，「肯定有多一個要求佢下台嘅原因」。
《蘋果》記者