唐唐噚日高調「復出」，坐住黑色Benz單拖出席商台節目，八方見佢容光煥發，主動同記者打招呼，心情好輕鬆。講起早前嘅南極之旅，唐唐講唔停口，話南極係地球上最後一片淨土，認為南極保育嘅例子，好有參考價值。原來佢嘅南極行程相當轉折，包括要喺極大浪嘅海上坐兩日兩夜船，船上扶手掛滿嘔吐袋，但唐唐全程就未嘔過。佢冇透露用乜方法止嘔，唔知係咪同佢特首選舉期間，見盡風浪有關？
唐唐又透露落選後有朋友話佢塞翁失馬、焉知非福，唐爸爸亦叫佢重新擔起家族生意，自己亦可多啲時間陪屋企人，可以「見多啲細路」喎。