新鴻基地產又有官司？今次係董事局聯席主席兼董事總經理郭炳聯，為咗兩張幾百蚊收據向高院做選舉呈請。事緣去年底佢參選特首小圈子選委後，申報選舉開支時話用咗$7,132.51。義務幫佢做選舉經理嘅新地公共事務總監李鑾輝事後幫佢核數，發現其中兩張單係發票、唔係收據，恐防違例，主動向高院呈請更換資料。
嗰兩張單原來只係郭生用咗新鴻基嘅傳真機同公司員工幫手做啲嘢，名目係印刷費同辦公室開支，條數夾埋只係幾百蚊。
高院稍後聆訊決定係咪批准佢更改，郭生到時要請大律師幫佢出庭，隨時花費十萬以上，真係妹仔大過主人婆。