今年元旦遊行，古惑仔為300蚊甘心轉行做「梁粉」老臨；更經典嘅係，其中一個老臨向主腦大喝：「話300，𠵱家得280，點呀？」
在很Old School的年代，仲有一批年青人，以為古惑仔很型，很「陳浩南」。世界變了，𠵱家嘅古惑仔，係會幾百蚊，光天化日高叫「支持CY」；更會為20蚊，差啲大打出手。就咁樣，挺梁團體係咁易用300蚊，即時將「古惑仔」多年建立的「鄭伊健味」完全粉碎。
古惑仔想50年不變？冇啦，這叫江湖新秩序。
由另一個角度切入，「挺梁古惑仔老臨收唔足數」一役，可令年青人知道，𠵱家行古惑，其實好難搵食，而且一啲都唔型，間接教育佢哋咪誤入歧途。
計菲菲話，噚日港股大升市，假如你星期一喺高位買咗一手中國人壽（2628），噚日賬面已賺咗1700蚊。與其厚住面皮用腳撐CY，都只係收嗰300蚊，點解唔嘗試認真學習投資股票，憑實力賺錢呢？
Fifi
本欄逢周二、四刊出