早前美國傳媒傳過，公牛可能因為薪酬上限，裁走後備控衞N羅賓遜。不過，風城球隊周二都冇做嘢，咁即係代表呢位3屆入樽賽冠軍張115萬美元（約900萬港元）合約，變成受保障到今年6月。呢位出名熱血嘅後衞，同記者講話自己只係想打波，冇諗過錢銀問題喎；其實28歲嘅N羅賓遜今季表現可人，場均上陣21分鐘有11分同3.6次助攻，留隊都算正常。