前紐約人球星史比威爾，05年退休之前一直以性格孤僻見稱，估唔到8年後嘅今日，佢依然係咁臭檔。密爾沃基當地傳媒報道，史比威爾周一喺屋企開P，因為音樂太嘈俾人投訴而俾當地警方拉咗入拘留所。密爾沃基警方現時以行為不檢罪告史比威爾；因為後者呢幾個月已經係咁俾鄰居投訴，所以今次告得入嘅機會都幾大。