臨近年尾財金界朋友去晒放大假，年頭一回來開工，港股即來個無人駕駛式突破，似乎到3月內地兩會開幕、美國再面臨調高債務上限考驗前，港股都可以趁呢段清靜期，自得其樂一下。以為金融界風平浪靜？有熟知中方動靜的朋友就提醒海迪，個別政經界人士近兩星期的行徑，已令人有山雨欲來之感。
首先令人在意的，是身陷歐文龍貪污案的華置（127）主席劉鑾雄，一改以往唔鍾意論政的態度，連續兩日去福臨門食飯時，主動向記者提及港澳貪腐問題，暗批特區政府有人以權謀私，叫中央政府關注云云。大劉當日仲專登叫人打電話俾全港兩份最反梁的報紙，派人到場聽佢發表意見。一向唔做多餘嘢嘅大劉如此放話，睇落似係呼籲，諗真啲更有啲似是警告。提醒各位，大劉的案件將在下周一喺澳門開審，呢個時間高調喊話，係咪有關係？
友人說，市場一直有傳去年多個反貪風暴，和特首選舉不無關係。這些事件今年將如何落幕，與本港政治形勢轉變有着微妙關連。2013年似乎也不會是平靜的一年。
海迪