13萬港人前日無懼寒冬，齊集維園上街倒梁後；噚日喺網上即刻熱傳一幅名為「驚見689被修理了」嘅相片（圖），令到唔少人大驚，起勢勁like，覺得民意壓力令689特首都要入廠。相中所見，一部車牌為「CY 689」嘅黑色私家車，喺車房被凌空吊起，車頭蓋仲被揭起；「被修理」嘅慘樣，同被港人上街「修理」嘅689大話特首有得揮。
有網民事後求證，發現呢幅相只係有心網民惡搞。據改圖網民解釋，原來「被修理」嘅車，車牌為「CY X8X」，佢只係改咗車牌其中兩個數目字，就造出呢幅幾乎無破綻嘅靚相。
呢位網民改圖時似乎冇留意到呢部私家車，同早前被網民發現嗰部CY 689唔只一樣顏色，型號亦似乎一樣，難怪有以假亂真嘅效果啦。