近日紅爆網絡的「陰謀情人」鄭子誠撚聲演繹「豆腐火腩飯」潮文，演活男人的浪漫。現實生活中，子誠亦是個浪漫丈夫，早前他偕太太劉倩怡到北海道旅行兼補祝太太生日，在白茫茫美麗雪景下騎雪地電單車享溫馨。
撰文：戴彩煥
高登男神鄭子誠早前偕太太劉倩怡，到北海道享受五天浪漫假期，先後到小樽、登別等地方欣賞白茫茫雪景。原來早前是劉倩怡生日，故子誠決定放假散心之餘，亦順道為太太補祝生日。問何以選擇北海道時，子誠說：「太太好鍾意雪，又未去過北海道，所以趁嗰幾日唔使開工同佢去玩。」
拖妻漫遊小樽
「陰謀情人」此行是否化身浪漫情人？鄭子誠笑說：「係呀，嗰度風景太靚，喺小樽度同太太喺落住極大雪嘅情景下食六層高嘅雪糕，感覺真係好正。」北海道早前受強烈暴風雪侵襲，導致多個地方停電，但子誠到埗後天氣轉好，他也自誇好彩。
劉倩怡透露今次是跟旅行團前往，問可覺得老公是浪漫情人？她笑說：「喺生活上幾時都咁浪漫。」此行劉倩怡最深刻是跟老公玩雪地電單車及狂擦海鮮、松阪牛、神戶牛等美食，她說：「自己唔鍾意買嘢，今次啲錢都係花喺食方面。啲雪景真係好靚，希望每年都可以去一次就好啦。」鄭子誠識做啦！
去邊度：日本北海道
玩幾耐：五日
