【本報訊】梁振英誠信破產，激發不少年輕人站出來向這「行騙長官」說不。有準教師認為，梁振英在特首選舉時用僭建攻擊對手唐英年，選舉後才被揭發本身同有僭建，凸顯小圈子選舉制度下港人的無奈，因此要上街爭取普選；也有以往只在電視機前關心政治新聞的大學生，昨日用腳表達對梁班子的不滿，促梁盡快落台。
正就讀教育文憑的陳先生是遊行常客，他每次的訴求也是要爭取盡快普選。陳說，僭建問題除顯示梁振英無誠信外，也凸顯小圈子選舉的荒謬，「睇到喺小圈子制度下，邊個做特首都係由阿爺一錘定音，唔理佢有冇違法僭建！」
宣揚讀書為幫助社會
陳續指，反國教事件顯示年輕人可為社會走得更前，「畀大家睇到後生仔唔係只識打機，唔係乜都唔理。」身為準教師的他，希望將來能任教通識科，鼓勵學生多關心社會，「希望佢哋知道，讀書唔只為將來有份好工，亦係為咗幫到個社會更多」。
同樣因不滿梁振英大話連篇而上街的準社工張小姐批評，梁身為特首都失信於市民，對其管治班子更難有信心。就讀大學一年級的劉同學也指，自己多數只透過電視新聞關心政治，但梁振英上場後，民生事務無寸進，梁在僭建問題上又不斷講大話，「市民大眾都俾佢欺騙咗，一般市民對佢嘅觀感已經好差」，昨參加遊行，站出來要求梁下台。