【愛心爆棚】
「睇住狗狗慢慢康復，性格由咬人變唔咬人，嗰種成功感難以形容！」協助李姑娘的80後女義工Fion，不但親自清理「貓狗籠屋」，還要倒貼人工照顧未獲收養的流浪貓狗。
她只寄盼有朝一日港人能夠接納唐狗，讓牠們成為家庭一分子。
被外人揶揄「嫌錢多」
自言自小怕貓怕狗的Fion，一次機緣巧合下遇到八頭因健康欠佳而遭遺棄的狗BB放在門口，開始養狗生涯，其間她經過治病、養狗、再治病的過程，體會到生命可貴，開始物色志同道合的人士組織動物義工團隊，安排收養及寄養等義務工作。
事事親力親為的Fion，試過月入9,000元，將六成收入支付狗場的流浪貓狗開支，被外人揶揄「嫌錢多」。
她亦試過女兒出生之前數小時，要由醫院趕返家餵狗。「我夜晚8點生得，但早4小時都向醫生堅持出院餵狗，因為我問晒所有人，有冇人幫我，但係佢哋話隻狗咬人，連我都咬。但要知道，我救隻狗出嚟時，佢曾經俾人打或滾水淥親，所以好唔信任人類，只要見佢好番，我再辛苦都值得。」
《蘋果》記者