【本報訊】夫婦恩愛非常，上巴士也要手牽手，羨煞旁人。「但點解換轉咗兩個男人，或兩個女人拖手，就要俾人嘲笑？」18歲勇於出櫃坦承同志的Aniel（圖），昨再上街遊行，感受更深，因早前參與遊行時一度與男友牽手，便遭到旁人非議攻擊，「香港已經冇普選權，點解連人權都冇埋？」
「今日遊行，係為咗爭取反性傾向歧視條例。」Aniel說，在同志議題上，梁振英似乎比常自稱教徒的曾蔭權，更為保守，「可能因為佢政治背景嘅關係」，故擔心條例未能獲政府支持而流產，令更多性小眾仍活於惶恐中。
他說：「其實學校嘅歧視最厲害，好多年輕人唔敢承認自己性傾向，因為一講就會俾人攻擊係女人型或男人婆。不過，想對呢班仍活喺陰影嘅同志講，我哋並不孤單，最少已經有同志立法會議員啦，一定要同呢個政府fight過。」