【本報訊】70歲芳嬸（圖）近半世紀在粉嶺坪輋過着與世無爭的農耕生活，但政府硬推東北發展計劃，迫使芳嬸首次踏足維園，捍衞五代同堂的家園。
她說：「政府收我塊田，令我臨老唔過得世，種田勞動吓對身體好啊，要我住公屋就好似坐監咁。」同行孫媳婦郭小姐表示，芳嬸不懂搭車，最遠只去過聯和墟，今次出城全因政府漠視民意，毀人家園。
芳嬸1962年遷入坪輋，擁有兩個足球場大的農田，最擅長種蔬果，「火龍果、荔枝，你講嗰樣有嗰樣。」她對農鄉有份難以捨割的感情，獲悉東北發展計劃後更夜夜難眠。
去年東北發展諮詢會，芳嬸全家出動質問陳茂波，孫媳婦郭小姐感嘆：「佢唔識寫字，都要我哋幫佢寫紙仔遞信。」結果一張張問題紙有去無回，換來全家昨日出動，用雙腳控訴無良政府。