黃又南和徐天佑組成的Shine一連兩場「Shine Passion Live演唱會」，前晚在紅館開鑼，三面台全場爆滿，曾經和又南傳緋聞的杜如風捧場時表現high爆。又南和天佑除衫赤膊上陣，除又唱又跳外，兩人更在台上互爆情史，又南自爆：「我近年要為家人還錢不停做嘢，結果搞到我同女友出現問題，因為我好多時間冇理佢。」
只顧還債失女友
又南表示當年曾向女友承諾，當他還完債，希望在女友30歲時結婚，但女友已表現得沒有信心。又南謂：「2011年我試過一個月飛咗18次，女友忍唔住投訴。後嚟我返香港當日又要出席金像獎，當我返到屋企已經唔見咗女友，連衫都冇晒。我真係以為可以同佢結婚，但原來只係我一個咁諗。」
而天佑的老父早前過身，他唱出老父鍾意的《濤聲依舊》並說：「當我識照顧人嘅時候，你已經唔喺度，我已做得好好，一路好走。」一身白褸的杜汶澤任嘉賓上台，他搞笑說：「組合家只有Twins，Boy'z都未喺紅館開過，E-kids都只係幫人買演唱會飛，邊有人似你哋咁叻。」尾聲時身體甚弱的又南已表現得無氣無力，更忘記拉褲鏈。
採訪：馬建華
攝影：陳順禎
